Mae gweithio mewn cartref gofal yn rhoi boddhad – ond rhaid cyfaddef ei fod yn anodd. Mae’r dyddiau’n hir, yr egni’n brin, ac weithiau mae’n teimlo fel eich bod chi’n jyglo cant o bethau ar unwaith… a hynny i gyd wrth geisio gwneud pob diwrnod yn ystyrlon i’r bobl rydych chi’n gofalu amdanyn nhw.

Rydyn ni’n deall hynny. Dyna pam rydyn ni wedi creu cymuned yn arbennig ar eich cyfer chi – gofod lle gall Cydlynwyr Gweithgareddau a staff gofal rannu syniadau, cyfnewid awgrymiadau, a chefnogi ei gilydd. Ac oherwydd ein bod ni’n cael ein harwain gan artistiaid, mae yna’n wastad wreichionyn o greadigrwydd i gadw pethau ynghynn.

• Teimlo fel petaech chi’n rhedeg ar danc gwag ond bod disgwyl i chi gynllunio gweithgareddau hwyliog a difyr yr un fath.
• Chwilio drwy’r amser am ysbrydoliaeth neu adnoddau sydd wir yn gweithio yn eich lleoliad gofal.
• Meddwl tybed a oes unrhyw un arall yn deall uchafbwyntiau ac iselbwyntiau eich rôl o ddifrif.
• Rydych chi’n dechrau chwythu’ch plwc, sy’n gwneud i dasgau syml hyd yn oed deimlo’n flinedig.

Dydych chi ddim ar eich pen eich hun – a does dim rhaid i chi wneud hyn ar eich pen eich hun.