Dyddiad ac Amser: Sad 30 Awst, 10:00 AM – 11:30 AM

Lleoliad: Parc Gwydir, Llanrwst

Sesiwn galw heibio, dim angen archebu

Croeso i fabanod a phlant 0-5 oed, yng nghwmni oedolyn.

Ymunwch â ni ym Mharc Gwydir yn Llanrwst am fore llawn chwarae creadigol yn yr awyr agored. Mae’r sesiwn ddiddorol hon yn cynnig cyfle gwych i’ch rhai bach archwilio natur, cymryd rhan mewn gweithgareddau dychmygus, a dysgu am y Dafydd ap Siencyn chwedlonol trwy chwarae.

Gwisgwch yn addas ar gyfer y tywydd, gan y byddwn ni y tu allan boed law neu hindda.

Mae gweithdai Dwylo Bach yn sesiynau a arweinir gan artist sy’n cynnig ‘Gwahoddiad i Chwarae’ i fabis a phlant ifanc. Yn hytrach na theganau traddodiadol mae gennym ni ‘ddarnau rhydd pen-agored’. Rydym ni’n dod ag eitemau fel tiwbiau cardfwrdd, basgedi, blychau pren, llinyn, bobinau, plu a chylchoedd hwla, yn ogystal â phaent a thoes. Nid oes unrhyw ffordd gywir o chwarae ac rydym yn annog babanod a’u gofalwyr i archwilio’r deunyddiau synhwyraidd a’r gofodau rydym yn eu creu – gyda’n gilydd.

Mae’r sesiynau’n cael eu harwain gan y babi, heb unrhyw weithgareddau grŵp.

Rydym yn defnyddio paent sy’n addas i blant ac yn eich annog chi a’ch babanod i wisgo hen ddillad a dod â darnau sbâr oherwydd gall pethau fynd yn flêr!