Wedi’i gynnal gan Hwb Pentredwr

Mae gweithdai Dwylo Bach yn sesiynau dan arweiniad artistiaid sy’n cynnig “Gwahoddiadau i Chwarae” i fabanod. Yn hytrach na theganau traddodiadol mae gennym “rannau rhydd penagored”. Rydym ni’n dod ag eitemau fel tiwbiau cardfwrdd, basgedi, blychau pren, llinyn, bobinau, plu a chylchoedd hwla, yn ogystal â phaent a thoes. Nid oes unrhyw ffordd gywir o chwarae ac rydym yn annog babanod a’u gofalwyr i archwilio’r deunyddiau synhwyraidd a’r gofodau rydym yn eu creu – gyda’n gilydd.

Mae’r sesiynau’n cael eu harwain gan y babi, heb unrhyw weithgareddau grŵp.

Rydym yn defnyddio paent sy’n addas i blant ac yn eich annog chi a’ch babanod i wisgo hen ddillad a dod â darnau sbâr oherwydd gall pethau fynd yn flêr!